ـ

شاهد على العصر (15)

كتبهاsalah eldin salah ، في 23 أغسطس 2010 الساعة: 23:41 م

فيمايلى النص الكامل لاجتماع المجلس الاعلى للقوات المسلحة برياسة الرئيس السادات فى مكتبة بالجيزة مساء24 ااكتوبر1972

جزء (1)

الرئيس-فى سلسلة الاجتماعات  اللى باعملها علشان الموقف النهاردة- الحقيقة-كان لابد ان اجنمع بيكم -لاننى اعتقد ان المرحلة تحتم ان نقعد ونستعرض الظروف  والموقف بالكامل-وخصوصا وان السنة الماضية منذ اجتماعنا فى اكتوبر الماضى لغاية اليوم حصلت تطورات كثيرة جدا تؤثر على الموقف ونكاد نرسم خط السير الذى لا مناص منة-فى اكتوبر الماضى 1971 لما جمعتكم فى الواقع كان بعد زيارتى للاتحاد السوفيتى زكان فية لو تذكروا وقفة بيننا وبين الاتحاد السوفيتىطول صيف 71 وانتهت بان احنا اتفقنا على النقاط فى موسكوا 11-12 اكتوبر-وبعد اجتماعى فى موسكو جمعتكم وقعدنا اتكلمنا وشرحنا الموقف كلة-ولم اكن سعيدا فى ذلك الوقت-هذة هى الحقيقة ولكن كما قلت لكم كان فية نقطة خلاف اساسية مع السوفييت منذ رحلتى الاولى فى مارس 1971 الى موسكو- ولو عدنا الى محاضر اجتماعات 1-2 مارس مع الزعماء السوفيت نجد اننا لم نتحرك فى نقطة الخلاف الاساسية-كانت النقطة الاساسية فى الخلاف- كما قلت لهم انتم حاطينى وراء اسرائيل بخطوتين-ومع  انة المفروض ان اكون متفوقا على  اسرائيل- فاننى لا اطلب هذا-اطلب ان اكون متساويا معها-وساعة ما بنيجى للنقطة دى- دائما بنقع فىخلاف وبييجى جرينشكو ويطلع النوتة ويقول -عندكم كذا دبابة وكام طيارة-الكلام اللى بياجاوا لية دائما-وندخل فى مناقشات على خصائص الطيارات اللى عندنا زىما قلت لكم فى1-2 مارس 1971واضح تماما فى المحضر نحن مختلفون- قلت لهم مش معنى اننا نكتب كدة فى المحضر اننى هارجع مصر وهااقول انا مختلف مع الاتحاد السوفيتى-لاقلت لهم ان احنا اصدقاء- وممكن نختلف وممكن بعد فترة نتفق سوا- المهم ان كل واحد منا يفهم موقف الثانى-وجيت فعلا انا بعد الرحلة دى بتاعة 1-2 مارس جمعت اللجنة التنفيذية العليا فى ذلك الوقت وبعديها اجتمعت بيكم-وكان معايا منهم محمد فوزى وشعراوى جمعة-حضروا المباحثات كلها- وقلت لهم اللى جرى بصراحة-وقلت لهم -ولكن ليس معنى هذا ان احنا بنقطع -او ان الخلاف نطلعة على السطح-دلوقتىلا-ما جاش ابدا هذا الاوان- ومش مصلحتنا-ومش مصلحة لا شعبنا ولا قواتنا المسلحة ان احنا نطلع الخلاف على السطح النهاردة-لان دة خلاف يكفى ان احنا بنحطة قدامنا فى اتصالاتنا الجارية مرو واثنين وثلاثة- يااما بنعدى هذا الخلاف يااما- ولكن انا باعتبر انة الحاجات اللى اعطوها لنا فى ذلك الوقت فى 1-2 مارس انة من الممكن نخش جولة اخرى وجولة اخرى لصالح المعركة ولصالح البلد- فى اكتوبر  كانت احداث السودان وقعت فى الصيف زى ما انتم عارفين-وكان فية وقفة تماما بيننا وبين الاتحاد السوفيتى-وبعدين اختلفنا فى اكتوبر وواضح فى المحضر

ولكن جة بريجينيف وقال انة حوالى 80% من الصفقة يسلم قبل نهاية 71 وانا قلت لكم فى ذلك الوقت على الحجات اللى وافقوا عليها والحاجات اللى هاتجيلنا قبل نهاية 71 والحاجات اللى هاتجينا فى72 وقلت لكم (بالضبط) جهزوا انفسكم علشان زى ما انا كنت بنادى ان 71 لابد نحسم فيها- وكانت محل مناقشة معاهم برضة فى اجتماع اكتوبر وفى اجتماع مارس ايضا-وبقول لهم منطقى- ان شعبنا لا يستطيع الانتظار-ولا شعوبنا اكثر من كدة- والنتيجة وخيمة عليكم وعلينا-كانوا بياخدوا الحاجات دى بشىء من الاستخفاف شوية -يعنى هما متصورين كانوا انة ممكن الامور تمشى بالطريقة اللى هم بيفكروا بيها-

فات اكتوبر ونوفمبر ودخلنا فى ديسمبر-وجات وقعت معركة الهند وكان واضح لى يوم ما حصلت يوم8-9 ديسمبر 71 كان واضح لى تماما انة مش ممكن نقدر نعمل اى عملية فى سنة 71 خاصة وان الصفقة اللى اتفقنا انها جاية لنا- هتيجى قبل نهاية 71 وكنا ساعتهافى 9 ديسمبر-وحتى التعاقد لم يتم عليها-انا تصورت انة مش ها يستنوا التعاقد زى ما حصل فى 67-هايبعتوا على طول وبعدين نبقى نتعاقد-فكان واضح فى ديسمبر وساعة ما ابتدت معركة الهند كان واضح ان الموقف مش ممكن هانقدر نواجهة-وهو انة هايحصل حاجة قبل نهاية 71- فيوم 10 ديسمبر مباشرة استدعيت السفير السوفيتى عندى وقلت لة واضح تماما ان 71 انتهى خلاص- احنا النهاردة 10 ديسمبر-ابتدات امبارح معركة الهند عمليا انتهى 71-طيب وبعدين؟-ارسلت للقادة السوفيت-كل دة وانا فى حسابى باحسب انة احنا اصدقاء-وممكن ان نختلف ولكن الخلاف ممكن ان احنا نحصرة بقدر الامكان ونكمل المشوار-فقلت لة ابعت للقادة السوفيت وقلهم انا عايز اجى لكم موسكو قبل نهاية 71-لية؟علشان نحاول نعالج الموقف فى بيان نطلعة-فى اجراء نتخذة علشان نعدى سنة 71 لاننى ارتبطت بذلك- وانا كنت عندكم فى موسكو مرتين- بل فى اكتوبر السنة دى وباعلن وانتم سامعين كلامى واتناقشنا فى هذا ان 71 حسم ومحصلش حسم-افترضت بقيام معركة الهند مافيش حسم-مش هاقدر اعمل حاجةفى 71 وانتم داخلين فيها طرف–قل لهم قبل نهاية ديسمبر 71 انا عايز التقى بهم فى موسكو وماكنش عندى حرج ابدا انى اسافر لثالث مرة موسكو مع انى كنت قبلها فى اكتوبر- جانى الرد من هناك فى اخر ديسمبر-اواخر ديسمبر ان الاجتماع فى 1-2 فبراير72-لان جدول المواعيدللقادة السوفيت من هنا لغاية 1-2 فبراير كذا كذا وجاب لى جدول المواعيد—و—و—و الخ-الكلام دة كان فى اواخر ديسمبر- الحقيقةانا كدت ان اصدر القرارات اللى طلعتها فى 8 يوليو- كدت فى اواخر ديسمبر انى اقول للسفير طيب شكرا واعلنة بالقرارات-لكن يعنى الواقع زى ماقلت لكم-انا حريص على المعركة من ناحية-وحريص على صداقة الاتحاد السوفيتى من ناحية ثانية-لسة فية امل يعنى ما قطعتش الامل-الحقيقة-لية؟-انا فى تفكيرى قلت الناس دول مستنين اجتماع موسكو بتاع عشرين مايو72-وانا عارف اسلوبهم فى هذا-وانا طول الخمس سنين اللى بعد العدوان- من67 باتعامل انا شخصيا معاهم فى قضيتنا- فى اثناء وجود عبد الناص- كنت انا متولى المسالة بالكامل وماكنتش بتخرج عنا احناالاثنين-بس-فانا عارف اسلوبهميعنى لعلمكم برضة عشان تكونوا على بينة- لما عملت المبادرة فى فبراير71 لعدة عوامل - الاول- انى عارف ان الاتحاد السوفيتى مش هيسعفنى-مش هايدينى فى الوقت الكافى- وكان ايامها احنا بنتكلم على وقف اطلاق النار من عدمة فى فبراير-وكان مؤتمر الحزب الشيوعى بتاع موسكو سينعقد فى 31 مارس 71 فانا عارف ببساطة وبحساب عارفة بقالى اربع خمس سنين معاهم ان قبل انعقاد هذا الموتمر مش هيدينى حتى من اللى احنا متفقين علية-وكان فى ذلك الوقت القسم الرئيسى من الاتفاقات هى بطاريات الصواريخ عشان الصعيد- ومش ممكن انتدى اكسر وقف اطلاق النار وسدود الصعيد-ماجاتش لسة        بطاريات الصواريخ عشان ادافع عنها ومعروف عمقنا فى الصعيد؟

فوزى جانى يوم وقال لى خلاص يافندم- الروس بعتوا لنا- قالوا ان المركبين اللى جايين بالبطاريات واحدة فى 18 فبراير وواحدة فى 22 فبراير- قلت لة لا اسف يافوزى مش هاييجى قبل مؤتمر الحزب الشيوعى اللى هايعقد فى 31 مارس وقبل ما ينتهى الموتمر فى ابريل- وبعد ذلك تيجى البطاريات- قبل كدة مفيش حاجة ابدا–

البقية فى الجزء التالى وشكرا-