ـ

شاهد على العصر (17)

كتبهاsalah eldin salah ، في 28 أغسطس 2010 الساعة: 21:26 م

تابع النص الكامل لاجتماع المجلس الاعلى للقوات المسلحة برياسة الرئيس السادات فى مكتبة  بالجيزة مساء 24   اكتوبر   1972

جزء(3)وثائق من حرب اكتوبر

جيت من اجتماع فبراير- فات مارس -و ابريل-اواخر ابريل لقيتهم جايين -جاء السفير فى اواخر ابريل وقال القادة السوفيت بيلحوا ويترجوك انك تسافر لهم -بس ما كنت عندكم فى فبراير- انا الثلاث مرات السابقة-مارس -اكتوبر -فبراير انا اللى طلبت -ابريل انا ما طلبتش-لية يعنى ما انا كنت عندهم فى فبراير وانتهينا واتفقنا حتى فى  فبراير ان احنا مستنين نتيجة اجتماع موسكو فى 20 مايو -وانهم يخطرونى بنتيجة الاجتماع ونتصرف على اساس النتيجة بعد ذلك -جانى فى اواخر فبراير وقالى باى ثمن -ياخبر - انا كنت  عندهم ثلاث مرات فى اقل من من سنة - بيترجوك - مش ممكن فى 48 ساعة -كانوا محددين ومجهزين لانهم هم اللى عاوزين والطيارة تحت امرك وكذا وكذا-ورحت فى اواخر ابريل -عيدنا الكلام كلة من الاول -هم كانوا تعبانين جدا من الوضع فى المنطقة والوضع فى بلدنا بالذات -طيب ما انا  من مارس 71 من سنة وشوية وانا بقول لكم هذا الكلام ها يحصل - طيب هاتكلم  فى حل - الحل مافيش حل- الحل انكم تدونا اللى احنا عايزينة - بس - واللى انا طالبة منكم من مارس 71 وكان الكلام بيننا انة احنا عايزين نتساوى مع اسرائيل–ماتخلوناش وراء اسرائيل النهاردة يمضى وقت من سنة 71 لغاية النهاردة- اسرائيل  بدل ما ابقى وراها بخطوتين بقيت وراها بعشرة دلوقتى -طيب لية ؟-

دة شعر بة شعبنا وحسة الناس -طيب اية هو السبب اللى بيجرى دة -قالوا التحرك اليمينى -ياناس مفيش لا يمين ولا يسار عندنا فى تحرير الارض-ومع ذلك قلت لهم  واللة انا مستنى اجتماع موسكو -فى الشهر الجاى مايو -واتكلمت مع بريجينيف فى الجلسة دى  بالذات بتاعة  ابريل 72 عن الخط الاستراتيجى - قلت لة حصل حاجتين -معركة الهند فى ديسمبر71 والهجوم الكبير بتاع فيتنام وكان من شهر تقريبا-+قلت لة معلوماتى عن الهجوم بتاع فيتنام انة بيتجهز لة من منذ ست اشهر- بدليل انة  بتقولوا حصار هايفونج وتلغيم الميناء و– و– و— قلت له انا قعدت اضحك لما قرات هذا الكلام لان بتلغموا الميناء عشان اللى جاى؟طيب ما المعركة مجهز لها من ست شهور وكل شىء متشون جوة و– ووو—- فية اطقم سوفيتية على صواريخ وعلى مدفعية - واطقم اخرى على باقى الاسلحة -قلت لة طيب  ما ناخد درس فى هذة العملية ونطلع بالخلاصة الاتية

اولا -هل تعتقدوا انتم ان القضية تتحرك سياسيا ما لم تتحرك عسكريا - قالوا لا- قلت لهم مثلا عندنا فيتنام -نيكسون جاى لكم الشهر الجاى - بعد عشرين يوم  وانتم عاملين هجوم كبير علية وسايجون مهددة 60 الف عسكرى -ومع ذلك نيكسون جاى اكم - لان القضية اتحركت عسكريا فسياسيا بيحصل استجابة على طول  بريجينيف قال 100ا%موافقك على هذا التحليل واستمرت المراوغات بيننا وبينهم  حتى يونيو ويوليو 72وقبل ما يجينى ردهم كانت الاحوال كالاتى–

احنا واقفين فى رمال ناعمة من اللى بتشفط - وايدينا  متكتفة- والمعسكرين الاثنين الكبار الروس والامريكان الاثنين الروس بيقولوا دول خلاص فى جيبنا الامريكان بيقولوا لا دول فى جيب الروس خلاص وانتهت - والروس ولى امرهم  طيب صورتنا اية بعد انتخابات امريكا اللى جاية -وبالوضع الى احنا فية - وروسيا تستمر  بالتاجيل ولا توصل معدات ولا حاجة وتعدى السنة برضة- نفس الحكاية -موكد هانقف الموقف دة غرقانين فية وفى نفس الوقت اللى احنا موقفنا كدة اسائيل تتلقى بالكامل امدادا من امريكا بتعربد فى المنطقة-والتعبير انا استعملتة من قبل اسرائيل ما تعربد بسنة وقلت ذلك للروس ودة فية اهانة لنا  لية؟ لية تسمحوا بهذا- لية تحطونى فى هذا الوضع المريع ؟حتى فى مارس 71 قلت لهم انا افهم ان الامريكان عايزين يعملوا لنا اذلال-طيب انتم لية ؟ لية عايزين  تذلونا وى الامريكان ؟ قالوا- ازاى احنا ابدا ؟قلت لهم لا الواقع يقول هذا - العدو يقدر يدخل عمقى فى اى حتة وانا مابطولوش طيب ما انا حتى الردع- انا ما بقلش امحو اسرائيل- اشيلها واوديها البحر انا عارف انكم انتم معترفين بها والامريكان معترفين بيها -لكن لية حاطينا فى موقف الدفاع -انضرب -اتلقى الضربات وما اقدرش ارد عليةا-لية؟فقلت لهم انا الكلام دة انا مستنية من زمان -وقيل لكم من سنة ان اسرائيل هاتعربد وتقول مفيش فى المنطقة غيرى ولا حد ها يرفع راسة - ودة لانقبلة ولا يقبلة احد ابدا دى كانت الصورة فى يوليو -المعسكرين- الامريكان داخلين انتخابات واتفقوا فى موسكو على التخدير والتهدئةو— ووو—- لغلية ما يعدى الصيف كلة ونخش على اواخر 72 ونعدى على 73 بنفس الاسلوب—والى اللقاء فى جزء اخر